ARXİVDƏ ŞAİRİN ŞƏXSİ FONDU YARADILIR
AZƏRTAC xəbər verir ki, şairin həyat yoldaşı Elmira xanım onun evdə saxlanılan şəxsi sənədlərini Salman Mümtaz adına Azərbaycan Dövlət Ədəbiyyat və İncəsənət Arxivinə təqdim etmişdir. Arxivdə şairin şəxsi fondunun yaradılmasına başlanılmışdır.
Sənədlər arasında onun şeirləri, mahnı mətnləri, ssenari, poema və dram əsərlərinin əlyazmaları, “Azərbaycan oğluyam”, “Sona bülbüllər”, “Eşqimi sönməyə qoymaram” kitabları, müasirlərinin avtoqrafla ona bağışladıqları əsərlər var.
H.Baxışın yazıçı Əli Vəliyev, aşıq Şəmşir, bəstəkar Ələkbər Tağıyev, qəzəlxan Əliağa Bakir, xalq artistləri Gülağa Məmmədov, İslam Rzayev və başqa müasirləri ilə fotoşəkilləri də fondda saxlanılacaqdır.
Bölmənin digər xəbərləri
