Astarada avtomobil təmiri sexində yanğın baş vermişdir
Bakı, 4 noyabr (AZƏRTAC). Astara şəhərində ümumi sahəsi 900 kvadratmetr olan avtomobil təmiri sexində yanğın qeydə alınmışdır.
Hadisə nəticəsində sexdə təmirə dayanmış “VAZ” markalı minik avtomobili yanmışdır.
Fövqəladə Hallar Nazirliyinin mətbuat xidmətindən AZƏRTAC-a bildirmişlər ki, əraziyə cəlb olunmuş yanğınsöndürənlər alovun qarşısını almışlar. Üç yük avtomobili və sex yanğından mühafizə olunmuşdur.
Hadisə ilə əlaqədar müvafiq qurumlar tərəfindən təhqiqat aparılır.
Bölmənin digər xəbərləri
