ATİ elmi-tədqiqat işlərinin müsabiqəsini keçirir
Bakı, 2 dekabr (AZƏRTAC). Azərbaycan Turizm İnstitutu (ATİ) gənc alimlərin dəstəklənməsi və respublikada turizm elminin inkişafı məqsədi ilə “Azərbaycanda turizmin inkişaf perspektivləri” mövzusunda elmi-tədqiqat işlərinin müsabiqəsini elan edir.
ATİ-dən AZƏRTAC-a bildirmişlər ki, müsabiqədə yaşı 34-ə kimi olan bakalavr, magistr və gənc doktorantlar iştirak edə bilərlər.
Müsabiqəyə ölkədə turizmin müxtəlif növlərinin inkişafı ilə əlaqədar, təhlillərə və faktlara əsaslanan orijinal tədqiqat işləri qəbul edilir.
Müsabiqə komissiyası təqdim edilən işləri qiymətləndirəcəkdir. Qaliblər üçün mükafatlar müəyyən edilmişdir. Birinci yer üçün 500, ikinci yer üçün 300, üçüncü yer üçün 100 manat nəzərdə tutulmuşdur.
Materiallar dekabrın 29-dək [email protected] elektron ünvanına göndərilməli və ya Azərbaycan Turizm İnstitutuna (508-ci otaq) təqdim edilməlidir. Ünvan: Bakı şəhəri, K.Rəhimov küç., 822/23-cü məhəllə.
Bölmənin digər xəbərləri
