ATİ-nin əməkdaşı Koreya Fondunun təşkil etdiyi tədbirdə iştirak etmişdir
Bakı, 17 noyabr (AZƏRTAC). Koreya Respublikasında MDB ölkə təmsilçilərinin iştirakı ilə “Gələcək nəsil liderləri” proqramı çərçivəsində növbəti tədbir keçirilmişdir. Koreya Fondunun təşkilatçılığı ilə gerçəkləşən yığıncaqda Azərbaycan Turizm İnstitutunun (ATİ) əməkdaşı Sevil Kərimova iştirak etmişdir.
ATİ-dən AZƏRTAC-a bildirmişlər ki, beynəlxalq tədbirdə məqsəd MDB məkanından dəvət olunan iştirakçıları Koreya Respublikasının iqtisadi və mədəni sahədə qazandığı uğurlarla tanış etməkdən ibarət olmuşdur.
Tədbir iştirakçıları səfər çərçivəsində bu ölkənin nüfuzlu universitetlərində, nazirliklərdə, məşhur sənaye mərkəzlərində olmuş, eləcə də ölkənin qədim tarix və mədəniyyət abidələri ilə tanış olmuşlar.
Bölmənin digər xəbərləri
