ATİ-nin əməkdaşı Moskvada beynəlxalq seminarda iştirak etmişdir
Bakı, 20 dekabr (AZƏRTAC). Moskvada Turizm və Servis Ali Təhsil Müəssisələri Assosiasiyasının təşkilatçılığı ilə “Beynəlxalq ikili diplom proqramlarının hüquqi aspektləri və təşkili texnologiyası” mövzusunda seminar keçirilmişdir.
ATİ-dən AZƏRTAC-a bildirmişlər ki, Rusiya Dövlət Turizm və Servis Universitetinin filialı olan Turizm və Qonaqpərvərlik İnstitutunda keçirilən tədbirdə Azərbaycan Turizm İnstitutunun (ATİ) tədris şöbəsinin müdiri Nərminə Abdullayeva da iştirak etmişdir.
Seminarda Bolonya prosesi - 2010-cu ilə qədər və sonrakı dövr, birgə tədris proqramları - qanunvericilik və praktika, Rusiya Federasiyasında ikili diplom proqramlarının reallaşması, təhsil xidmətlərinin ixracı və akademik mobillik, Avropa regionunda ixtisaslaşmanın tanınması barədə konvensiya və onun tətbiqi praktikası və s. məsələlər geniş müzakirə olunmuşdur.
ATİ-nin daha bir təşkilata - Turizm və Servis Ali Təhsil Müəssisələri Assosiasiyasına üzvlük məqsədi müsbət qarşılanmışdır.
Bölmənin digər xəbərləri
