Avropa çempionatı 59 ildən sonra yenidən Rumıniyada
Bakı, 6 dekabr, AZƏRTAC
2025-ci ildə kişi voleybolçular arasında keçiriləcək Avropa çempionatına ev sahibliyi edəcək ölkələrdən biri bəlli olub.
AZƏRTAC Avropa Voleybol Konfederasiyasına istinadla xəbər verir ki, çempionatın qruplarından birinin matçları Rumıniyada keçiriləcək. 1963-cü ildə həm kişilərin, həm qadınların qitə çempionatını qəbul edən Rumıniya 59 ildən sonra yarışın təşkilatçılarından olacaq.
“Avro-2025”ə dörd ölkə birgə ev sahibliyi edəcək. Digər üç meydan sahibi yaxın günlərdə dəqiqləşəcək.
Qeyd edək ki, 2023-cü ildəki Avropa çempionatına İtaliya, Bolqarıstan, Şimali Makedoniya və İsrail ev sahibliyi edəcək.
Bölmənin digər xəbərləri
