Avropa Komissiyası: Azərbaycan həm bərpaolunan, həm də qazıntı yanacaqlarında nümunəvi ölkədir
Bakı, 3 iyun, AZƏRTAC
2040-2050-ci ilə qədər iqlim neytrallığına nail olmaq istəyirik. Bunun üçün rəqabətə yönəlməliyik.
AZƏRTAC xəbər verir ki, bu sözləri Avropa Komissiyasının Enerji Platformasının İşçi Qrupunun və Beynəlxalq Əlaqələr İdarəsinin – Enerji üzrə baş direktoru Kristina Lobillo Borrero Bakı Enerji Forumunda çıxışı zamanı deyib.
O bildirib ki, Avropa Komissiyası rəqabəti genişləndirməyə fokuslanıb.
“Etibarlı partnyorlar çox vacibdir, Azərbaycan buna çox gözəl örnəkdir. Həm bərpaolunan, həm də qazıntı yanacaqlarında Azərbaycan nümunəvi ölkədir. Avropa İttifaqı bütün beynəlxalq tədbirlərdə iştirak edir. Biz birlikdə şəffaflıq, təmiz texnologiya, təchizatın təhlükəsizliyi üzərində işləməliyik”, - deyə o bildirib.
Bölmənin digər xəbərləri
