Avrozonada investorların inam indeksi 2023-cü ilin oktyabrından bəri minimuma enib

07.04.2025 [19:15]
Çap et
A⁺ A^-

Roma, 7 aprel, AZƏRTAC

Avrozonada investorların inam indeksi kəskin geriləyib.

AZƏRTAC xəbər verir ki, mart ayında mənfi 2,9 olan investorların inam indeksi apreldə 16,7 bənd azalaraq mənfi 19,5 olub. Beləliklə, investorların inam indeksi 2023-cü ilin oktyabr ayından bu vaxtadək ən aşağı səviyyəyə enib. Bazar proqnozları isə indeksin mənfi 8,9 səviyyəsinə geriləyəcəyi istiqamətində idi.

İnvestorların qarşıdakı 6 ay üzrə proqnozlarına yer verilən gözləntilər indeksi də mənfi 15,8-ə geriləyib. Bu da 2023-cü ilin oktyabrından bəri ən aşağı göstəricidir.

Ekspertlərin fikrincə, inam indeksindəki bu aşağı istiqamətli kəskin dəyişmə bazarlardakı qeyri-müəyyənlik və ABŞ-ın tarif siyasəti fonunda baş verib.

Nihad Budaqov

AZƏRTAC-ın xüsusi müxbiri

Roma