Avtomobil oğurlamış şəxslərin digər cinayət əməlləri də müəyyən edilmişdir
Bakı, 4 noyabr (AZƏRTAC). Qaradağ rayonunun Lökbatan qəsəbəsi sakini Cavid Abdulkərimova məxsus “VAZ-2106” markalı avtomobil oğurlanmışdır.
Həmin avtomaşın qəsəbədə idarə edilərkən Daxili İşlər Nazirliyinin (DİN) Çevik Polis Alayının, rayon polis idarəsinin və rayon mühafizə şöbəsinin əməkdaşları tərəfindən saxlanılmışdır.
Araşdırmalar zamanı nəqliyyat vasitəsini oğurlayan şəxsin Lökbatan qəsəbə sakini Elvin İdrisov olduğu aşkar edilmişdir. Həmin şəxsin Vaqif Əhmədova məxsus “Mercedes” markalı avtomaşını qaçırması, Mahnur Musayevaya məxsus mağazadan isə pul və parfümeriya əşyaları oğurlaması da müəyyənləşdirilmişdir.
Kürdəmir rayonunda avtomaşın qaçırdığına və oğurluq etdiyinə görə Rasim Abdullayev rayon polis şöbəsinin əməkdaşları tərəfindən yaxalanmışdır.
Aparılmış araşdırmalar nəticəsində onun Ziyafət Məmmədovaya məxsus mağazadan pul, tütün məmulatı və şirniyyat oğurladığı da müəyyən edilmişdir.
DİN-in mətbuat xidmətindən AZƏRTAC-a bildirmişlər ki, faktlarla bağlı cinayət işi açılmışdır, araşdırmalar aparılır.
Bölmənin digər xəbərləri
