Ayxan Abbasov baş məşqçi kimi Azərbaycan çempionatlarında 50-ci qələbəsini qazanıb
Bakı, 3 may, AZƏRTAC
Ayxan Abbasov baş məşqçi kimi Azərbaycan çempionatlarında 50-ci qələbəsini qazanıb.
AZƏRTAC Peşəkar Futbol Liqasına istinadla xəbər verir ki, “Turan Tovuz”un çalışdırıcısının yubileyi Azərbaycan Premyer Liqasının XXXII turuna təsadüf edib. Qırx iki yaşlı mütəxəssisin yubileyi “Zirə” ilə səfər matçında gerçəkləşib - 3:1.
Baş məşqçi karyerasına 2017-ci ildə Zirənin eyniadlı təmsilçisində başlayan A.Abbasov bu komandada 18, “Sumqayıt”da 24, “Turan Tovuz”da 8 dəfə üç xal sevinci yaşayıb. Onun 50-ci qələbəsi 155-ci matçına təsadüf edib. O, baş məşqçi kimi Azərbaycan çempionatları tarixində 50 və daha çox qələbə qazanan 22-ci mütəxəssis olub.
Bölmənin digər xəbərləri
