Azad edilmiş ərazilərdə yerləşən xüsusi mühafizə olunan təbiət ərazilərinin bərpası istiqamətində işlərə başlanılıb
Bakı, 11 yanvar, AZƏRTAC
İşğaldan azad edilmiş ərazilərdə yerləşən xüsusi mühafizə olunan təbiət ərazilərinin bərpası istiqamətində işlərə başlanılıb. Belə ki, ölkə başçısının müvafiq Sərəncamına uyğun olaraq Bəsitçay Dövlət Təbiət Qoruğunun yenidən bərpa olunması ilə bağlı tədbirlər görülür.
AZƏRTAC xəbər verir ki, bunu Bioloji Müxtəlifliyin Qorunması Xidmətinin rəsmisi Arzu Səmədova deyib.
Xidmət rəsmisi bildirib ki, azad edilmiş ərazilərdə iki dövlət təbiət qoruğu və dörd dövlət təbiət yasaqlığı fəaliyyət göstərir. Otuz il ərzində məhv və talan edilən xüsusi mühafizə olunan təbiət ərazilərinin bərpası tədbirlərinə ilkin olaraq Bəsitçay Dövlət Təbiət Qoruğundan başlanılıb. Qoruğun sanitar-mühafizə zonasının xəritəsinin işlənilməsi, orada fauna və floranın yenidən dəyərləndirilməsi, qoruğun fəaliyyəti ilə bağlı digər məsələlər üzərində iş gedir. Növbəti mərhələlərdə də digərlər xüsusi mühafizə olunan təbiət ərazilərinin bərpası ilə bağlı tədbirlər görüləcək.
Bölmənin digər xəbərləri
