AZƏRBAYCAN ALİMİNİN YENİ TAXIL SORTLARI RESPUBLİKAMIZDAN KƏNARDA DA SINAQDAN KEÇİRİLİR
Buğda və Qarğıdalının Seleksiyası üzrə Beynəlxalq Mərkəzin tövsiyəsi ilə görkəmli seleksiyaçı alim, Milli Məclisin deputatı, akademik Cəlal Əliyevin yüksək məhsuldar, xəstəliklərə davamlı “Əzəmətli–95” və “Nurlu-99” taxıl sortlarının Cənubi Qafqaz və Orta Asiya respublikalarında kiçik sahələrdə təcrübə sınağı keçirilir. Azərbaycan Aqrar Elm Mərkəzindən AZƏRTAC-a bildirmişlər ki, ölkəmizin suvarılan və dəmyə torpaqlarında hər hektardan 60-70 sentner məhsul verən bu sortların digər iqlim şəraitində özünün sort keyfiyyətlərini nə dərəcədə saxlayacağı yoxlanılır. Təcrübə -sınaq əkinlərinin nəticələri bunu müəyyənləşdirməyə kömək edəcəkdir.
Bölmənin digər xəbərləri
