Azərbaycan avarçəkəni Türkiyədə marafonda qızıl medal qazanıb
Bakı, 21 noyabr, AZƏRTAC
Azərbaycan millisinin üzvü Bəhmən Nəsiri Türkiyənin Adıyaman şəhərində keçirilən avarçəkmə marafonunda qızıl medal qazanıb.
AZƏRTAC Azərbaycan Kanoe və Avarçəkmə Federasiyasına istinadla xəbər verir ki, idmançımız akademik avarçəkmə qayığında 42 kilometr məsafəni 2 saat 42 dəqiqə 18 saniyəyə qət edib.
"Commagene Rowing Marathon" adlanan turnirdə yığmanın digər üzvü Ziya Məmmədzadə də mübarizə aparıb.
Qeyd edək ki, turnirdə 38-i qadın olmaqla, ümumilikdə 82 avarçəkən 42 və 21 kilometr məsafələrdə yarışıb.
Bölmənin digər xəbərləri
