Azərbaycan “Bir kəmər, bir yol” Enerji Nazirlərinin Konfransında təmsil olunur
Çindao, 23 oktyabr, AZƏRTAC
Çinin Şandon əyalətinin Çindao şəhərində keçirilən “Bir kəmər, bir yol” Enerji Nazirləri 3-cü Konfransı işə başlayıb.
AZƏRTAC xəbər verir ki, tədbir Çinin Milli Enerji Administrasiyasının təşkilatçılığı ilə “Enerjinin birgə gələcəyi üçün yeniliyin gətirilməsi” mövzusunda təşkil olunur. Azərbaycanın energetika naziri Pərviz Şahbazov konfransda iştirak edir.
Nazirlər Konfransında enerji təhlükəsizliyi üzrə əməkdaşlıq, enerji bazarlarının inkişafı, yaşıl enerji sahəsində tətbiq olunan son texnoloji yeniliklər və yaşıl enerjinin təşviqi üçün maliyyə imkanlarının araşdırılması üzrə müzakirələr aparılacaq.
Şahin Cəfərov
AZƏRTAC-ın xüsusi müxbiri
Çindao
Bölmənin digər xəbərləri
