AZƏRBAYCAN BODİBİLDİNQ FEDERASİYASININ YENİ BİNASININ AÇILIŞI OLMUŞDUR
AZƏRTAC xəbər verir ki, iyulun 8-də Azərbaycan Bodibildinq Federasiyasının yeni binasının açılışı olmuşdur.
Açılış mərasimində iştirak edən gənclər və idman naziri Azad Rəhimov rəmzi qırmızı lenti kəsdikdən sonra binanın infrastrukturu ilə tanış olmuşdur. Nazir demişdir ki, son illər Azərbaycan Bodibildinq Federasiyasının fəaliyyəti uğurlu olmuş, ölkəmiz iki dəfə Avropa çempionatına ev sahibliyi etmişdir. Federasiyanın fəaliyyəti Azərbaycanda sağlam gənc nəslin yetişməsinə töhfəsini verir. Hər cür şəraitə malik federasiyanın yeni mərkəzi Azərbaycanda bodibildinqin inkişafına təkan verəcəkdir.
Azərbaycan Bodibildinq Federasiyasının prezidenti Rauf Bünyadəliyev isə 1994-cü ildən fəaliyyət göstərən qurumun bir sıra nailiyyətlər qazandığını söyləmişdir. Bu müddət ərzində regionlarda bodibildinq bölmələri açılmış, Bakıda qitənin ən mötəbər yarışları təşkil olunmuş edilmiş, ilk dəfə Azərbayan idmançısı Vüqar Verdiyev Avropa çempionu tituluna sahib çıxmışdır. Bundan əlavə 2010-cu ildə dünya çempionatının Bakıda keçirilməsi qərara alınmışdır.
Bölmənin digər xəbərləri
