AZƏRBAYCAN BOKSÇULARI ROMAL AMANOV VƏ ELÇİN ƏLİZADƏ DÜNYA ÇEMPİONATININ FİNALINA ÇIXMIŞLAR
AZƏRTAC xəbər verir ki, Çinin Mianyanq şəhərində boks üzrə dünya çempionatının yarımfinal yarışları keçirilmişdir. Ölkəmizi çempionatda baş məşqçi Məmməd Eyvazovun rəhbərliyi ilə yığma komanda təmsil edir. Yarımfinal döyüşlərində Romal Amanov (60 kq) italiyalı Dominiko Valentinonu 29:22, Elçin Əlizadə (91 kq) isə Özbəkistan boksçusu Cəsur Matçanovu 25:11 hesabı ilə məğlub edərək, çempionatın finalına çıxmışlar. Bu mərhələdə Emil Məhərrəmov (64 kq) qazaxıstanlı Serik Saypiyevə uduzaraq (41:23) bürünc medalla kifayətlənməli olmuşdur.
Beləliklə, noyabrın 20-də keçiriləcək final qarşılaşmalarında Romal Amanov kubalı Jordenis Uqasla, Elçin Əlizadə isə Rusiya boksçusu Aleksandr Alekseyevlə görüşəcəkdir.
Bölmənin digər xəbərləri
