Azərbaycan bu il Gürcüstanın ən böyük ixrac tərəfdaşı olub
Tbilisi, 20 oktyabr, AZƏRTAC
Azərbaycan bu il Gürcüstanın ən böyük ticarət tərəfdaşı olub. Gürcüstan cari ilin yanvar-sentyabr ayları ərzində Azərbaycana 632,68 milyon dollar dəyərində mal və məhsul ixrac edib.
AZƏRTAC xəbər verir ki, bu barədə Gürcüstanın Milli Statistika İdarəsi məlumat yayıb.
Bildirilib ki, Gürcüstandan Azərbaycana mal ixracı 2022-ci illə müqayisədə 29,5 faiz artaraq ümumi ixracın 13,7 faizini təşkil edib.
Keçən ilin yanvar-sentyabr ayları ərzində (9 ayda) Gürcüstandan Azərbaycana 488,67 milyon dollar dəyərində mal ixrac olunub.
Qeyd edilib ki, cari ilin ilk 9 ayı ərzində Gürcüstanın ümumi ixracı illik ifadədə 12,7 faiz artaraq 4,607 milyard dollara çatıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
