AZƏRBAYCAN DİASPORU DNEPROPETROVSK VİLAYƏTİNDƏ ƏN YAXŞILARDAN BİRİDİR
AZƏRTAC-ın Kiyevdəki müxbiri xəbər verir ki, Dnepropetrovsk vilayətində millətlərarası sülhün və həmrəyliyin inkişaf etdirilməsi və dərinləşdirilməsi, Ukrayna və Azərbaycan xalqları arasında dostluğun möhkəmləndirilməsi işində xidmətlərinə görə Azərbaycan səfirinin Dnepropetrovsk vilayəti üzrə fəxri köməkçisi, bu regiondakı həmvətənlərimizin lideri Qüdrət Hacıyev Ukraynanın Millətlərin İşləri və Miqrasiya üzrə Dövlət Komitəsinin 1-ci dərəcəli Fəxri fərmanı ilə təltif olunmuşdur. Mükafatı Dövlət Komitəsinin sədri Gennadi Moskal təqdim etmişdir.
Dnepropetrovsk vilayətinin 32 milli icmasından yalnız 3-ü – Azərbaycan, yəhudi və Polşa diasporları mükafat almışlar.
G.Moskal Bakıya bu yaxınlardakı səfərindən danışarkən demişdir ki, Prezident İlham Əliyev ilə səmimi görüşü, Azərbaycanda qonaqpərvərliklə qarşılanması onu riqqətə gətirmişdir.
Bölmənin digər xəbərləri
