Azərbaycan Dillər Universiteti Silahlı Qüvvələrə Yardım Fonduna 52 340 manat vəsait köçürüb
Bakı, 2 oktyabr, AZƏRTAC
Azərbaycan Dillər Universitetinin kollektivi Ermənistanın hərbi təcavüzünün qarşısının alınması, mülki əhalinin təhlükəsizliyinin təmin edilməsi üçün şanlı ordumuzun həyata keçirdiyi zəruri əks-həmlə tədbirlərinə dəstək olmaq məqsədilə Silahlı Qüvvələrə Yardım Fonduna 52 340 manat vəsait köçürüb.
Bu barədə AZƏRTAC-a universitetdən məlumat verilib. Bildirilib ki, Azərbaycan Ordusunun Ermənistanın işğalçı silahlı dəstələrinin təxribatına cavab olaraq həyata keçirdiyi əks-hücum əməliyyatları bütün cəbhəboyu uğurla davam edir. Əsgər və zabitlərimizin fədakarlığı, yenilməz döyüş əzmi və qazandığı qələbələri xalqda böyük ruh yüksəkliyi yaradır.
Bölmənin digər xəbərləri
