Azərbaycan Dövlət Bayrağı günü münasibətilə dama turniri keçirilir
Bakı, 5 noyabr (AZƏRTAC). 9 noyabr - Azərbaycan Dövlət Bayrağı günü münasibətilə Azərbaycan Turizm İnstitutunun tələbə və müəllim heyəti arasında dama turnirinin açılış mərasimi keçirilmişdir.
AZƏRTAC xəbər verir ki, yarışın keçirilməsində məqsəd 9 noyabr - Azərbaycan Dövlət Bayrağı gününün tələbələr arasında geniş şəkildə təbliğ edilməsi, tələbələrin asudə vaxtlarının səmərəli təşkil edilməsi və dama idman növünün tələbələr arasında inkişaf etdirilməsindən ibarətdir.
Turnirin açılış mərasimində Nərimanov Rayon Gənclər və İdman İdarəsinin rəisi Nəcəf Novruzov, Azərbaycan Turizm İnstitutunun dekanı Rəhman Səfərov, kafedra müdiri Seyfəli Məmmədli, İnsan resursları şöbəsinin müdiri Afdandil Bayramov, yarışın baş hakimi - İnstitutun idman kafedrasının müdiri Rəhim Rəsulov çıxış etmişlər.
Yarışda 80 müəllim və tələbə iştirak edir. Mübarizədə ilk 3 yeri tutan iştirakçılar Nərimanov Rayon Gənclər və İdman İdarəsi tərəfindən müvafiq diplom, medal, kubok və xatirə hədiyyələri ilə mükafatlandırılacaqlar.
Bölmənin digər xəbərləri
