AZƏRBAYCAN DÖVLƏT NEFT FONDUNUN AKTİVLƏRİ 2010-CU İLƏDƏK TƏQRİBƏN 7 DƏFƏ ARTACAQDIR
AZƏRTAC xəbər verir ki, Azərbaycan Respublikası Dövlət Neft Fondunun (ARDNF) aktivlərinin 2008-ci ilin sonunadək 30 faiz artaraq 13 milyard ABŞ dollarına çatacağı gözlənilir.
ARDNF-in icraçı direktoru Şahmar Mövsümov bildirmişdir ki, bu ilin avqustunda Bakı-Tbilisi-Ceyhan boru kəmərinin Türkiyə hissəsində baş vermiş yanğın nəticəsində neftin bu marşrutla nəqli müvəqqəti dayandırılmışdır. Bu isə öz növbəsində Fondun potensial daxilolmalarına mənfi təsir göstərmişdir. İcraçı direktor qeyd etmişdir ki, əgər bu hadisə baş verməsəydi ARDNF-in aktivləri ilin sonunadək hətta 14 milyard dollara çata bilərdi.
Ş.Mövsümov, həmçinin demişdir ki, 2009-cu ildə Fondun aktivlərinin təqribən 40 faizədək artaraq 18 milyard dollara çatacağı proqnozlaşdırılır. Bu isə 2007-ci ilin sonuna olan müvafiq göstəricini 7 dəfədən çox üstələyir.
Xatırladaq ki, sentyabrın əvvəlində ARDNF-in aktivlərinin həcmi ilk dəfə olaraq 10 milyard dollar həddini keçərək 10 milyard 216 milyon dollar təşkil etmişdir.
Bölmənin digər xəbərləri
