Azərbaycan dövləti narkotik vasitələrin qanunsuz dövriyyəsinə qarşı mübarizəni prioritet istiqamət hesab edir
Bakı, 26 yanvar, AZƏRTAC
Azərbaycan dövləti narkotik vasitələrin və psixotrop maddələrin qanunsuz dövriyyəsinə qarşı mübarizəni prioritet istiqamət hesab edir.
AZƏRTAC xəbər verir ki, bu sözləri Milli Məclisin Səhiyyə komitəsinin sədr müavini Rəşad Mahmudov deyib.
Deputat bildirib ki, Milli Məclisdə narkotik vasitələrin qanunsuz dövriyyəsinin qarşısının alınması üçün qabaqcıl qanunlar qəbul edilib. Bu qanunlar gömrük və sərhəd mühafizə orqanlarının narkotik vasitələrin qaçaqmalçılığına qarşı mübarizəsini stimullaşdırır.
“Narkomaniya ciddi bəladır və onun yayılmaması üçün təbliğat vasitələrindən də səmərəli istifadə etmək lazımdır. Bu işdə mətbuatın üzərinə böyük iş düşür”, - deyə R.Mahmudov qeyd edib.
Bölmənin digər xəbərləri
