Azərbaycan Ərzurumda IV “Səhiyyə və idman turizmi” tədbirində təmsil olunacaq
Bakı, 11 noyabr, AZƏRTAC
Şimal-Şərqi Anadolu İnkişaf Agentliyinin ənənəvi olaraq hər il fərqli bir mövzu ilə təşkil olunan Turizmdə İnnovasiya Konfransının budəfəki IV "Səhiyyə və idman turizmi" tədbiri noyabrın 17-də Ərzurumda keçiriləcək.
AZƏRTAC Türkiyə mətbuatına istinadla xəbər verir ki, tədbirdə qardaş ölkə ilə yanaşı, Azərbaycan, İran və Gürcüstanın səhiyyə turizm agentlikləri, milli mətbuat və media orqanları, dövlət və özəl səhiyyə təşkilatlarının nümayəndələri iştirak edəcəklər.
Qış turizm mərkəzləri, idman düşərgələri, termal qaynaqlar, idman və sağlamlıq turizmi üçün əhəmiyyətli potensiala malik TRA1 bölgəsinin bu kimi potensialının tanıdılması məqsədilə təşkil olunacaq konfransında, bölgənin səhiyyə və idman turizm gələcəyi ilə bağlı təkliflər müzakirə olunacaq.
Konfrans çərçivəsində xarici qonaqlar üçün noyabrın 16, 18 və 19-da bölgənin səhiyyə və idman turizm infrastrukturunun tanıdılması məqsədilə sahə səfərləri ilə bağlı təqdimatlar keçiriləcək.
Bölmənin digər xəbərləri
