Azərbaycan fan klublarının birinci forumu keçirilmişdir
Bakı, 5 noyabr (AZƏRTAC). Noyabrın 5-də “Park Cinema - Metropark”da Azərbaycan fan klublarının birinci forumu keçirilmişdir.
AZƏRTAC xəbər verir ki, “İrəli” İdman Mərkəzinin təşkilatçılığı ilə keçirilmiş tədbirdə 200-dək müxtəlif fan klubun nümayəndəsi iştirak etmişdir.
Ölkənin aparıcı fan klublarından olan “Ultra Aslan”, “Çarşı-Bakı”, “Bakı”, “Ultra Neftçi”, “Qrin Gate-2” və digərlərinin rəhbərlərinin qatıldığı forumda tribunalarda rast gəlinən problemlər və onun həlli istiqamətində müzakirələr aparılmışdır. Fan klublar gələcəkdə həyata keçirəcək layihələri haqda məlumat vermişlər.
Forumda Azərbaycan Futbol Federasiyaları Assosiasiyasının əməkdaşı Elnur Məmmədov iştirakçıları maraqlandıran sualları cavablandırmışdır.
Bölmənin digər xəbərləri
