Azərbaycan Gimnastika Federasiyasının nümayəndəsi: İnanıram ki, təmsilçilərimiz Dünya Kubokunda uğurla çıxış edəcəklər
Bakı, 6 mart, AZƏRTAC
"Dünyanın 19 ölkəsindən olan kişi və qadın idman gimnastları Bakıda qələbə uğurunda mübarizə aparacaqlar".
AZƏRTAC xəbər verir ki, bu sözləri Azərbaycan Gimnastika Federasiyasının nümayəndəsi Fatimə Şəfizadə Bakıda təşkil olunan idman gimnastikası üzrə Dünya Kubokunun açılış mərasimindən sonra jurnalistlərə açıqlamasında deyib.
O, yarışda iştirakçı sayının çox olmasının müsbət məqam olduğunu bildirib: "Adətən, Olimpiya Oyunlarına iki il qalmış təşkil edilən təsnifat yarışlarında idmançı sayı çox olur. Amma bu dəfə fərqli oldu. Bu da kifayət qədər yaxşı haldır. Çin və Yaponiyadan olan gimnastlar burada mübarizə aparırlar. İnanıram ki, təmsilçilərimiz bu yarışda uğurla çıxış edəcəklər".
Qeyd edək ki, Dünya Kubokuna martın 9-da yekun vurulacaq.
Bölmənin digər xəbərləri
