AZƏRBAYCAN İDMANÇILARI TÜRKİYƏDƏ KEÇİRİLƏCƏK DÜNYA ÇEMPİONATINDA QÜVVƏLƏRİNİ SINAYACAQLAR
Azərbaycan Güləş Federasiyasından AZƏRTAC-a bildirmişlər ki, iyulun 29-da İstanbulda yeniyetmələr arasında sərbəst, yunan-Roma və qadın güləşi üzrə dünya çempionatına start veriləcəkdir.
Yunan-Roma güləşi üzrə qarşılaşmalarda döşək üzərinə idmançılarımızdan Orxan Əhmədov (50 kq), Hacıxan Mustafayev (60 kq), Rafiq Hüseynov (66 kq), Elvin Mürsəlov (74 kq), Səbuhi Hümbətov (84 kq) və Aydın Səfərov (96 kq) çıxacaqlar.
Qadınların mübarizəsində isə Əminə Abbasova (48 kq), Nadiya Qradyuk (51 kq) və Sona Əhmədli (59 kq) qüvvələrini sınayacaqlar.
Yarışda iştirak edəcək sərbəst güləşçilərimizin heyətinə isə Nicat Muradov (50 kq), Yaşar Əliyev (55 kq), Paybula Şalov (60 kq), Cəbrayıl Həsənov (66 kq), Pərvin Məmmədov (74 kq), Şərif Şərifov (84 kq), Cəmaləddin Məhəmmədov (96 kq) və Mixail Qazayev (120 kq) cəlb edilmişlər.
Sərbəst və yunan-Roma güləşi üzrə Azərbaycan komandalarının heyətində ehtiyat idmançılar da yer almışlar.
Dünya çempionatına avqustun 4-də yekun vurulacaqdır.
Bölmənin digər xəbərləri
