AZƏRBAYCAN İDMANÇISI İKİNCİ DƏFƏ QİTƏ ÇEMPİONU TİTULUNA YİYƏLƏNƏ BİLƏR
İyulun 15-də Slovakiyanın Koşitse şəhərində gənclər arasında sərbəst, yunan-Roma və qadın güləşi üzrə Avropa çempionatına start
verilmişdir.
Azərbaycan Güləş Federasiyasından AZƏRTAC-a bildirmişlər ki,
yarışın ilk günündə döşək üzərinə çıxan Mariya Stadnik (48 kq) qitə çempionu adını qazanmağa çox yaxındır. Azərbaycan yığma komandasının ukraynalı legioneri bütün rəqiblərinə qalib gələrək, finala vəsiqə qazanmışdır.
Xatırladaq ki, cari ilin aprelində Azərbaycan güləşçisi Mariya Stadnik (48 kq) Finlandiyada keçirilən Avropa çempionatının qızıl medalını qazanmışdır. İdmançı Pekin Yay Olimpiya oyunlarında da iştirak edəcəkdir.
Slovakiyaya yollanmış digər qadın idmançılarımız Nadiya Qradyuk (51 kq) və Sona Əhmədli (59 kq) isə yarışlara sabah qatılacaqlar.
İyulun 20-də yekun vurulacaq turnirdə ardıcıl olaraq yunan-Roma və sərbəst güləşçilərimiz də qüvvələrini sınayacaqlar.
Bölmənin digər xəbərləri
