AZƏRBAYCAN İLƏ BELARUS ARASINDA GƏNCLƏR SİYASƏTİ SAHƏSİNDƏ ƏMƏKDAŞLIQ HAQQINDA SAZİŞ İMZALANACAQDIR
Azərbaycanın gənclər və idman naziri Azad Rəhimovun Belarus Təhsil Nazirliyi Gənclərlə İş Departamentinin rəisi İrena Dıl ilə görüşündə gənclər siyasəti sahəsində Azərbaycan-Belarus əməkdaşlığının genişləndirilməsi məsələlərindən söhbət getmişdir.
Gənclər və İdman Nazirliyinin mətbuat xidmətindən AZƏRTAC-ın müxbirinə bildirmişlər ki, görüşdə Belarus Prezidenti Aleksandr Lukaşenkonun Azərbaycana qarşıdakı səfəri zamanı imzalanması nəzərdə tutulan əməkdaşlıq haqqında ikitərəfli saziş layihəsinin bəndləri müzakirə olunmuşdur. İrena Dıl demişdir ki, Belarus Azərbaycan gənclərinin Minsk ali məktəblərində təhsil almasına kömək göstərmək niyyətindədir.
Bölmənin digər xəbərləri
