AZƏRBAYCAN MİLLİ ELMLƏR AKADEMİYASI RƏYASƏT HEYƏTİNİN İCLASI KEÇİRİLMİŞDİR

22.05.2006 [10:34]
Çap et
A⁺ A^-

AZƏRTAC xəbər verir ki, Azərbaycan Milli Elmlər Akademiyası (AMEA) rəyasət heyətinin iclası keçirilmişdir.

Akademiya elmi idarələri rəhbərlərinin, alim və mütəxəssislərin iştirak etdiyi iclası AMEA-nın prezidenti, akademik Mahmud Kərimov açmışdır.

Sonra AMEA-nın müxbir üzvü Arif İsmayılzadənin “1:1000000 miqyasında Azərbaycanın geodinamik əsaslı tektonik xəritəsi” mövzusunda məruzəsi dinlənilmişdir.

Xəritədə Qafqazın Azərbaycana aid hissəsində çökmə və maqmatik komplekslərin petrologiyası və metallogeniyası sahəsində AMEA-nın Geologiya İnstitutunda aparılan çoxillik fundamental elmi-tədqiqat işlərinin nəticələri əksini tapmışdır.

Eyni zamanda qeyd edilmişdir ki, geoloji-geofiziki materiallara, “Litosfer piltələrin tektonikası” konsepsiyasına əsasən, regionun geodinamikasını əks etdirən yeni tektonik modeli qurulmuşdur.

İclasda elmi-təşkilati məsələlərə də baxılmışdır.