Azərbaycan nümayəndə heyəti Ankarada keçirilən turizm sammitində iştirak edir
Ankara, 23 dekabr (AZƏRTAC). Azərbaycan Respublikası Mədəniyyət və Turizm Nazirliyinin nümayəndə heyəti Ankaradakı “Şeraton” otelində keçirilən mədəniyyət turizmi sammitində iştirak edir.
Sammitin açılışında Türkiyənin mədəniyyət və turizm naziri Ərtoğrul Günay və Ankaranın bələdiyyə sədri Məlih Gökçək çıxış edərək son illər Türkiyədə turizmin inkişafı, 1988-ci ildən etibarən Avropa İttifaqının təşəbbüsü ilə genişlənən mədəniyyət turizmi sektorunda görülən işlərdən bəhs etmişlər.
Mədəniyyət və Turizm Nazirliyinin TÜRKSOY-dakı təmsilçisi Elçin Qafarlı ölkəmizdə turizmin inkişafı və potensialı ilə bağlı məruzə etmişdir. Məruzədə Azərbaycan Prezidenti İlham Əliyevin Sərəncamı ilə 2011-ci ilin “Turizm ili” elan edilməsi və müvafiq tədbirlər planının təsdiqlənməsi, bu sektorda həyata keçirilən layihələr geniş şəkildə əks olunmuşdur.
Sammit iştirakçıları Azərbaycanın turizm potensialını əks etdirən stendlə də tanış olmuşlar.
Oqtay Bayramov
AZƏRTAC-ın xüsusi müxbiri
Ankara
Bölmənin digər xəbərləri
