AZƏRBAYCAN, ÖZBƏKİSTAN VƏ QIRĞIZISTAN “KAZSAT” RABİTƏ PEYKİNDƏN İSTİFADƏ EDƏCƏKLƏR
AZƏRTAC-ın xüsusi müxbiri xəbər verir ki, Qazaxıstanın rabitə və informasiya agentliyinin sədri Askar Jumaqaliyev Məclisin ölkə parlamentinin plenar iclasında bildirmişdir ki, Azərbaycan, Özbəkistan və Qırğızıstan “KazSat”rabitə peykinin imkanlarından istifadə etmək niyyətindədirlər.
Askar Jumaqaliyevin sözlərinə görə, bu ölkələrin müvafiq qurumlarından məktublar da alınmışdır. Qazaxıstanın bütün rabitə operatorları artıq “KazSat”la işləməyə üstünlük verirlər.
Xatırladaq ki, Qazaxıstanın birinci “KazSat” rabitə peyki bu il iyulun 18-də fəzaya buraxılmışdır və indi bu tipli ikinci peykin hazırlanması istiqamətində işlər görülür.
Bölmənin digər xəbərləri
