Azərbaycan Prezidenti: Fransa ilə Yeni Kaledoniya arasında baş verən hadisə tarixi presedentdir
Xankəndi, 19 iyul, AZƏRTAC
Düşünürəm ki, Fransa ilə Yeni Kaledoniya arasında baş verən hadisə bir tarixi presedentdir. Mənə elə gəlir ki, bu, həmin əhvalatın sonu deyil, başlanğıcıdır.
AZƏRTAC xəbər verir ki, bunu Prezident İlham Əliyev III Şuşa Qlobal Media Forumunun iştirakçıları ilə görüşündə bildirib.
“Bizim neokolonializmlə bağlı mövqeyimiz tam aydındır və bu məsələ heç bir ikitərəfli gündəliyə bağlı deyil”, - deyən dövlətimizin başçısı vurğulayıb ki, Qoşulmama Hərəkatının sədri kimi Azərbaycan sədrliyinin ilk ilindən başlayaraq dekolonizasiya, müstəmləkə olan ərazilərin müstəqilliyə və ədalətə qovuşması, eləcə də beynəlxalq təşkilatların qəbul etdiyi qərarların icrası ilə bağlı səyləri dəstəkləmiş və təşviq etmişdir.
Bölmənin digər xəbərləri
