AZƏRBAYCAN PREZİDENTİ İLHAM ƏLİYEV İLƏ QAZAXISTAN PREZİDENTİ NURSULTAN NAZARBAYEVİN TƏKBƏTƏK GÖRÜŞÜ
Martın 1-də Azərbaycan Respublikasının Prezidenti İlham Əliyev ilə Qazaxıstan Respublikasının Prezidenti Nursultan Nazarbayev arasında təkbətək görüş keçirilmişdir.
Səmimi dostluq şəraitində keçən görüşdə prezidentlər ölkələrimiz arasında ikitərəfli əlaqələrin yüksək səviyyədə olmasından məmnunluqlarını bildirdilər və gələcəkdə əməkdaşlığın daha yüksək səviyyəyə qalxması üçün səylərin artırılmasının vacibliyini vurğuladılar.
Prezident İlham Əliyev və Prezident Nursultan Nazarbayev iqtisadi münasibətlərə, xüsusilə Xəzərin karbohidrogen ehtiyatlarının dünya bazarına nəql edilməsi sahəsində əməkdaşlıq məsələlərinə dair geniş fikir mübadiləsi apardılar.
Bölmənin digər xəbərləri
