RƏSMİ XRONİKA
AZƏRBAYCAN PREZİDENTİNİN VƏ XANIMININ ŞƏRƏFİNƏ DÖVLƏT QƏBULU
Yanvarın 29-da Yelisey sarayında Fransa Respublikasının Prezidenti Jak Şirak və xanımı Bernadet Şirakın adından Azərbaycan Respublikasının Prezidenti İlham Əliyevin və xanımı Mehriban Əliyevanın şərəfinə dövlət qəbulu təşkil edilmişdir.
Fransa və Azərbaycan prezidentləri qəbulda nitq söylədilər.
Qəbuldan sonra Fransa Prezidenti Jak Şirak Azərbaycan Prezidenti İlham Əliyev və xanımı ilə sarayın qarşısında xatirə şəkli çəkdirdi. Prezident Jak Şirak Mehriban xanım Əliyeva ilə ehtiramla sağollaşdı. Fransa dövlətinin başçısı Azərbaycan Prezidenti İlham Əliyevi çox böyük hörmət və səmimiyyətlə, qucaqlaşaraq yola saldı.
X X X
Azərbaycan Prezidenti İlham Əliyevin Fransaya dövlət səfəri davam edir.