“AZƏRBAYCAN PROKURORLUĞU” JURNALI BU SAHƏDƏKİ YENİLİKLƏRİ ƏKS ETDİRİR
Prokurorluq işinin təşkilinin elmi əsaslarını təbliğ etmək, nəzəri problemlərə diqqəti artırmaq, beynəlxalq əlaqələri işıqlandırmaq, müsbət iş təcrübəsini yaymaq, əməkdaşların qanunvericilikdə baş verən yenilikləri daim izləyə bilmələrini və qanunvericiliyin təkmilləşdirilməsində onların fəal iştirakını təmin etmək, kadrların nəzəri və peşə hazırlıqlarının artırılmasına kömək göstərmək məqsədi ilə təsis edilmiş “Azərbaycan Prokurorluğu” jurnalının növbəti nömrəsi çapdan çıxmışdır.
Respublika Baş Prokurorluğundan AZƏRTAC-a bildirmişlər ki, ötən il prokurorluqda həyata keçirilən islahatlar nəticəsində işıq üzü görən bu elmi-praktiki jurnalının ilk nömrəsi ümummilli liderimiz Heydər Əliyevin anadan olmasının 80, Azərbaycan Prokurorluğunun yaradılmasının 85 illik yubileylərinə həsr olunmuşdu.
