AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Sizin atanız, zəmanəmizin ən dahi şəxsiyyətlərindən biri, öz həyatını bütövlüklə ölkəsinə və xalqına həsr etmiş şəxs, Zati-aliləri cənab Heydər Əliyevin vəfat etməsi haqqında məlumat məni şok vəziyyətinə salıb dərindən heyfsiləndirdi.
Sizin atanızla bir neçə dəfə ünsiyyətdə olmuşduq və mən bu faciəni öz şəxsi faciəm kimi qəbul edir, Sizin kədərinizə şərik çıxıram. Bu kədərli zamanda mən Sizə, ailənizə və bütün dünya azərbaycanlılarına hüznlə başsağlığı verirəm.
Zati-aliləri Heydər Əliyev tarixdə dahi siyasətçi, güclü şəxsiyyət və sevilən rəhbər kimi qalacaqdır. Onun şəxsiyyəti və müdrikliyi dünyada çox insanları heyran etmişdir və onun bizi tərk etməsi dərindən hiss olunacaqdır.
Son olaraq, icazə verin, İTOÇU Korporeyşn şirkətinin adından Sizə bir daha kədərimi ifadə edim və başsağlığı verim. Mən Sizi və ailənizi öz fikir və dualarımda saxlayacağam.
Dərin hörmətlə,
Minoru Murofuşi,
İTOÇU Korporeyşn şirkətinin sədri.
12 dekabr 2003-cü il.
Bölmənin digər xəbərləri
