AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ

22.12.2003 [22:45]
Çap et
A⁺ A^-

Azərbaycan xalqı böyük sarsıntı və kədər içərisindədir. Biz, Almaniyada yaşayan azərbaycanlılar millətimizin bu böyük itkisinə ürəkdən yanır, dərdinə şərik olur və bütün Azərbaycan xalqına səbir diləyir, Allah rəhmət eləsin deyirik.

Belə böyük şəxsiyyətləri tarix neçə yüz ildən bir dünyaya bəxş edir və Heydər Əliyev şəxsiyyəti Azərbaycan xalqına tarixin bəxşişi idi.

Berlində fəaliyyət göstərən N.Gəncəvi adına Azərbaycan Mədəniyyət İnstitutunun bütün kollektivi adından, Berlində yaşayan azərbaycanlı bacı-qardaşlarımız adından, alman dostlarımız adından mərhumun ailəsinə, yaxınlarına və bütün Azərbaycan xalqına başsağlığı verir, səbir diləyirik.

Nur içində yat, əziz Heydər Əliyev!

Dr.Nuridə Atəşi,

N.Gəncəvi adına Azərbaycan Mədəniyyət

İnstitutunun direktoru.

Berlin, 22 dekabr 2003-cü il.