RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli cənab Prezident!
Mənim sadə əməyimə verdiyiniz yüksək qiymətə görə Sizə minnətdarlığımı bildirmək üçün söz tapmıram.
Hər gün insanlara göstərdiyiniz qayğı Sizin bütün Azərbaycan xalqına və ayrı-ayrılıqda hər bir vətəndaşa məhəbbətinizin ifadəsidir və Siz bununla bütün Azərbaycan xalqının böyük məhəbbət və hörmətini qazanmışsınız.
Heç şübhə yoxdur ki, lap tezliklə, 2008-ci ildə Siz yenidən Prezident seçiləcəksiniz və respublikamız Azərbaycan xalqının ümummilli lideri Heydər Əlirza oğlu Əliyevin vəsiyyətlərini həyata keçirəcəkdir.
Yüksək mükafata görə bir daha səmimi minnətdarlığımı qəbul edin.
Dərin hörmət və məhəbbətlə,
Nina Fişşeva
Azərbaycan Respublikası Kinofotosənədlər
Arxivinin direktoru