AZƏRBAYCAN TENNİSÇİLƏRİ ERMƏNİSTAN KOMANDALARI ÜZƏRİNDƏ QƏLƏBƏ QAZANMIŞLAR
Azərbaycanın həm gənclərdən, həm də yeniyetmələrdən ibarət yığma komandaları stolüstü tennis üzrə Avropa çempionatında Ermənistan yığması üzərində qələbə qazanmışlar.
AZƏRTAC xəbər verir ki, İtaliyanın Terni şəhərində keçirilən qitə birinciliyində Azərbaycanın gənc tennisçilərdən ibarət yığma komandası 37-40-cı yerlər uğrunda yarışda əvvəlcə Ermənistan komandasını 3:0 hesabı ilə məğlub etsə də, növbəti görüşdə Belarus millisinə 3:1 hesabı ilə uduzmuşdur.
Yeniyetmələrdən ibarət Azərbaycan komandası isə əvvəlcə Ermənistan millisi üzərində 3:2 hesabı ilə qələbə qazanmış, daha sonra isə Uels millisini 3:0 hesabı ilə məğlub etmişlər.
Bölmənin digər xəbərləri
