Azərbaycan və BƏƏ-nin mərkəzi bankları arasında əməkdaşlıq müzakirə olunub
Bakı, 29 fevral, AZƏRTAC
Azərbaycan və Birləşmiş Ərəb Əmirliklərinin mərkəzi bankları arasında əməkdaşlıq müzakirə olunub.
Azərbaycan Mərkəzi Bankının (AMB) sədri Taleh Kazımovun başçılıq etdiyi nümayəndə heyəti Birləşmiş Ərəb Əmirliklərinə (BƏƏ) işgüzar səfər çərçivəsində Əbu-Dabi şəhərində BƏƏ-nin Mərkəzi Bankının sədri Xaled Məhəmməd Balama ilə görüşüb.
AMB-dən AZƏRTAC-a bildirilib ki, görüş zamanı ölkələr arasında mövcud iqtisadi əlaqələr, hər iki ölkənin maliyyə sektorunun inkişafı, mərkəzi bankları arasında əməkdaşlığın cari vəziyyəti və gələcək istiqamətləri barədə fikir mübadiləsi aparılıb.
Bölmənin digər xəbərləri
