Azərbaycan Velosiped İdman Federasiyası imtahanda uğur qazanan məşqçilərə sertifikatlar təqdim edib
Bakı, 29 yanvar, AZƏRTAC
Beynəlxalq Olimpiya Komitəsinin və Beynəlxalq Velosipedçilər İttifaqının dəstəyi, Azərbaycan Velosiped İdmanı Federasiyasının təşkilatçılığı ilə 1-ci dərəcəli texniki kurslarda iştirak etmiş və imtahandan uğurla keçmiş məşqçilərə müvafiq sertifikatlar təqdim edilib.
AZƏRTAC xəbər verir ki, Azərbaycan Milli Olimpiya Komitəsinin təşəbbüsü ilə həyata keçirilən bir həftəlik kurslar Respublika Velotrekində təşkil olunub.
Layihənin məqsədi velosiped idmanı üzrə beynəlxalq dərəcəli məşqçilərin yetişdirilməsi, onların nəzəri və praktiki biliklərinin genişləndirilməsidir. Məşğələlər Beynəlxalq Velosipedçilər İttifaqının beynəlxalq dərəcəli mühazirəçisi Jan Jak Anri tərəfindən keçirilib. Layihədə ümumilikdə 20 məşqçi iştirak edib və kursların yekununda iştirakçılara beynəlxalq dərəcəli sertifikatlar təqdim olunub. Onların arasında “Olimpiya Hərəkatı-2017” layihəsinin məşqçiləri də var.
Bölmənin digər xəbərləri
