Azərbaycan Voleybol Federasiyasının rəsmisi Çempionlar Liqasının oyununa təyinat alıb
Bakı, 4 mart, AZƏRTAC
Azərbaycan Voleybol Federasiyasının Təlim və aşağı yaş qrupları üzrə iş şöbəsinin koordinatoru Nərgiz İsmayılova Avropa Voleybol Konfederasiyası tərəfindən təyinat alıb.
Voleybol Federasiyasından AZƏRTAC-a verilən məlumata görə, o, bu gün qadınlar arasında Çempionlar Liqasının 1/4 final çərçivəsində keçiriləcək “Numia” (İtaliya) və “Eczaçıbaşı” (Türkiyə) komandalarının oyununda hakimlərin işinə qiymət verəcək.
İtaliyanın Milan şəhərində təşkil olunacaq matçı rumıniyalı Tudor Pop və serbiyalı Stanislava Simic idarə edəcəklər. Qarşılaşmanın “challenge” hakimi isə yunanıstanlı Temelis Mixail olacaq.
Bölmənin digər xəbərləri
