Azərbaycanda yaxın üç gündə gözlənilən hava şəraiti açıqlanıb VİDEO
Yaxın üç gündə Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Şimal-şərq və cənub-şərq küləkləri əsəcək. Havanın temperaturunun gecə saatlarında 8-11 dərəcə isti, gündüz 14-18 dərəcə isti olacağı gözlənilir.
Bu barədə AZƏRTAC-a məlumat verən Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev bildirib ki, bölgələrdə də yaxın üç gün ərzində əsasən yağmursuz hava şəraiti müşahidə olunacaq. Gecə və səhər bəzi yerlərdə duman olacağı, Lənkəran-Astara zonasında isə az yağış yağacağı ehtimalı var. Bölgələrdə də mülayim şərq küləyi əsəcək.
Havanın temperaturunun aran rayonlarında gecə 5-10, gündüz 14-19 dərəcə isti, dağlarda gecə 0-5 isti, gündüz 10-15 dərəcə isti olacağı ehtimal olunur. Yaxın üç gündə bu cür mülayim hava şəraitinin davam edəcəyi gözlənilir.
Bölmənin digər xəbərləri
