Azərbaycanın 310 yaşayış məntəqəsində əhali içməli su ilə təmin edilib

09.10.2014 [11:29]
Çap et
A⁺ A^-

Bakı, 9 oktyabr (AZƏRTAC). 2007-ci ildə qurulmuş ilk modul tipli sutəmizləyici qurğular artıq 7 ildir ki, uğurla istismar olunur. bu müddət ərzində qazanılmış təcrübə nəzərə alınaraq, yerli şəraitə tam uyğunlaşdırılmış texnoloji sxem əsasında sutəmizləyici qurğuların ölkədə istehsalı təşkil edilmiş və 2014-cü ildə 50 kənddə məhz Azərbaycanda istehsal olunmuş modul tipli sutəmizləyici qurğuların quraşdırılması üzrə işlər tamamlanır.

AZƏRTAC xəbər verir ki, bu sözləri ekologiya və təbii sərvətlər naziri Hüseynqulu Bağırov oktyabrın 8-də Azərbaycan Prezidenti İlham Əliyevin sədrliyi ilə Nazirlər Kabinetinin 2014-cü ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasda çıxışı zamanı deyib.

Nazir bildirib ki, hazırda 38 yaşayış məntəqəsində sutəmizləyici qurğuların quraşdırılması işləri aparılır. Regionlarda modul tipli təmizləyici qurğuların quraşdırılması hesabına 310 yaşayış məntəqəsinin keyfiyyətli içməli su ilə təmin edilmiş əhalisinin sayı 500 mini keçmişdir.

Azərbaycanın 310 yaşayış məntəqəsində əhali içməli su ilə təmin edilib

MÜƏLLİFLƏ ƏLAQƏ

Bölmənin digər xəbərləri