AZƏRBAYCANIN BAŞ KONSULU KARELİYA RƏHBƏRİ İLƏ GÖRÜŞMÜŞDÜR
Baş konsulluqdan AZƏRTAC-a daxil olmuş məlumatda bildirilir ki, Q.Osmanov Kareliya Respublikasının başçısı Sergey Katanandov ilə görüşmüşdür. Bir saatdan çox davam edən görüşdə Rusiya Prezidentinin Şimal-Qərb regionu üzrə xüsusi nümayəndəsinin Kareliya üzrə federal inspektoru V.Şmıkov və digər rəsmi şəxslər, Sankt-Peterburq azərbaycanlılarının milli muxtariyyətinin şura üzvü Ə.Salmanov və Kareliyadakı Azərbaycan diasporunun üzvü E.İsmayılov da iştirak etmişlər. S.Katanandov Kondopoqada vəziyyətin sabit və yerli hakimiyyət orqanlarının tam nəzarəti altında olduğunu bildirmişdir. Şəhəri tərk etmiş 20 azərbaycanlı ailəsi yenidən oraya qayıtmışdır.
Görüşdə Azərbaycan ilə Kareliya arasında iqtisadi, mədəni və digər sahələrdə ikitərəfli əlaqələrin inkişafı barədə müzakirələr də aparılmışdır.
Bölmənin digər xəbərləri
