AZƏRBAYCANIN DAXİLİ QOŞUNLARININ KOMANDANI FİEP-İN NÜMAYƏNDƏLƏRİ İLƏ GÖRÜŞMÜŞDÜR
Nümayəndə heyəti elə həmin gün respublikanın daxili işlər nazirinin müavini, Daxili Qoşunların komandanı general-leytenant Zakir Həsənovla görüşmüşlər.
Sonra kütləvi informasiya nümayəndələri üçün brifinq keçirilmişdir.
Zakir Həsənov qonaqların səfəri barədə məlumat verərək demişdir ki, 2003-cü ildə Azərbaycanın Daxili İşlər Nazirliyi FİEP-ə üzvlük məsələsi ilə bağlı bu quruma müraciət etmişdir. 2004-cü və 2005-ci illərdə FİEP tərəfindən bu məsələ müzakirə edilmiş, Daxili Qoşunların fəaliyyəti ilə yaxından tanış olmaq üçün bu qrupun Bakıya səfəri barədə qərar qəbul olunmuşdur.
Nümayəndə heyətinin rəhbəri İtaliya Karabinerlər Korpusunun Kriminalistika İdarəsinin rəisi polkovnik Giovanni Cataldo bildirmişdir ki, əsas məqsədimiz təşkilatlarımız arasında gələcəkdə nəzərdə tutulan əməkdaşlığın təməlini qoymaqdır.
FİEP-in qiymətləndirmə qrupunun nümayəndələri Daxili Qoşunların Xətai rayonu ərazisindəki “N” saylı motorlaşdırılmış hərbi hissəsində olmuş, ictimai asayişin təmini zamanı istifadə olunan silahlara, yataqxanalara, yeməkxanaya, təlim şəhərciyinə, xidməti it və atların yetişdirilməsi məntəqələrinə baxmışlar. Onlar hərbi hissədə yaradılmış şəraitin müasir standartlara cavab verdiyini söyləmişlər.
Bölmənin digər xəbərləri
