Azərbaycanın dörd idman gimnastı beynəlxalq turnirdə medal qazanıb
Bakı, 21 avqust, AZƏRTAC
Azərbaycanın dörd idman gimnastı Misirin Qahirə şəhərində keçirilən “Pharaoh’s Cup” beynəlxalq turnirində medal qazanıb.
Federasiyadan AZƏRTAC-a verilən məlumata görə, qadınlardan ibarət milli komandamızın üzvü Xədicə Abbaszadə yeniyetmələr arasında (2010-cu il) dayaqlı tullanma və sərbəst hərəkətlərin icrasında birinci yeri tutub.
Kişilərdən ibarət yığmamızın üzvləri Mənsum Səfərov turnik, Rəsul Əhmədzadə sərbəst hərəkətlər, Aydın Əlizadə isə dayaqlı tullanmada bürünc medala layiq görülüblər.
Bölmənin digər xəbərləri
