“Azərbaycanın əfsanələr paytaxtı”na infotur təşkil edilmişdir
Bakı, 16 dekabr (AZƏRTAC). Mədəniyyət və Turizm Nazirliyinin dəstəyi ilə Şabran şəhərinə infotur təşkil olunmuşdur.
“Turizm ili” çərçivəsində və nazirliyin “2010-2014-cü illər üçün Xalq Yaradıcılığı Paytaxtları” proqramına əsasən, Şabran şəhərinin 2011-ci il üzrə “Azərbaycanın əfsanələr paytaxtı” elan olunması ilə əlaqədar təşkil olunan infoturda nazirliyin nümayəndələri və ölkəmizdə fəaliyyət göstərən kütləvi-informasiya vasitələrinin əməkdaşları iştirak etmişlər.
Nazirliyin mətbuat xidmətindən AZƏRTAC-a bildirmişlər ki, infoturun məqsədi Şabran rayonunun turizm potensialını, mövcud infrаstrukturunu, əsas turizm xidmətlərini nümayiş etdirmək, daxili turizm bazarının fəallığını artırmaq, regionda fəaliyyət göstərən istirahət komplekslərinin şirkətlərlə əməkdaşlığını təmin etməkdir.
Şabran rayonuna infoturun yekunları bir daha sübut etmişdir ki, turizm imkanlarının öyrənilməsində və təbliğində, turizm şirkətləri ilə işgüzar mühitin yaradılmasında, yerli və xarici turistlərin cəlb edilməsində belə tədbirlərin əhəmiyyəti olduqca yüksəkdir.
Bölmənin digər xəbərləri
