Azərbaycanın U-21 komandasının Avropa çempionatının seçmə mərhələsi üçün heyəti açıqlanmışdır
Bakı, 5 noyabr (AZƏRTAC). İyirmi bir yaşadək futbolçulardan ibarət komandalar arasında Avropa çempionatının seçmə mərhələsi çərçivəsində noyabrın 15-də Skopye şəhərində Makedoniya komandası ilə qarşılaşacaq Azərbaycan yığmasının heyəti açıqlanmışdır.
AFFA-dan AZƏRTAC-a bildirmişlər ki, heyətdə Mirhüseyn Seyidov, Elvin Yunuszadə, Tərlan Quliyev, Araz Abdullayev (hamısı “Neftçi”), Nurlan Novruzov, Elşən Abdullayev, Slavik Alxasov, Kərim Diniyev (hamısı “Sumqayıt”), Vadim Abdullayev, Şəhriyar Əliyev, Namiq Ələskərov (hər üçü “Bakı”), Hacı Əhmədov, Kamil Hüseynov, Qara Qarayev (hər üçü “Qarabağ”), Ağabala Ramazanov, Orxan Sadıqlı (hər ikisi “Xəzər-Lənkəran”), Rəşad Eyyubov (“Simurq”), İlqar Ələkbərov (“İnter”), Urfan Abbasov (“Qəbələ”), Emil Balayev (“Araz Naxçıvan”), Andriy Popoviç (“Tavşanlı Linyitspor”, Türkiyə) və Tuğrul Erat (“Fortuna Dusseldorf”, Almaniya) yer almışlar.
Bölmənin digər xəbərləri
