Azərbaycanlı alimin Beynəlxalq konfransdakı məruzəsi maraqla qarşılanmışdır
Bakı, 5 noyabr (AZƏRTAC). Azərbaycan Milli Elmlər Akademiyasının Fəlsəfə, Sosiologiya və Hüquq İnstitutunun elmi işlər üzrə direktor müavini, fəlsəfə üzrə fəlsəfə doktoru Roida Rzayeva Koreya Respublikasının Çunan Universitetində (Chung-Ang University) “Asiya idrakının coğrafiyası” mövzusunda keçirilmiş idrakla bağlı müqayisəli elmlər üzrə IV Beynəlxalq konfransda (ICCSM) iştirak etmişdir.
Akademiyadan AZƏRTAC-a bildirmişlər ki, konfransda R. Rzayevanın “Müasir fəlsəfi və mədəni təmayüllər və müasirlik nöqteyi-nəzərindən qeyri-Qərb cəmiyyətlərində ictimai şüurun inkişafına dair” mövzusunda məruzəsi maraqla qarşılanmışdır.
Məruzə ətrafında geniş fikir mübadiləsi aparılmışdır.
Qeyd edək ki, konfransda dünyanın 11 ölkəsindən nümayəndələr iştirak etmişlər.
Bölmənin digər xəbərləri
